Cargando Eventos

« Todos los Eventos

  • Este evento ha pasado.

Programa Online “Pa que nun t’aburras” de la Estaya de la Llingua d’Avilés

30 abril a las 11:00

|Evento recurrente (Ver todos)

Un evento que comienza el 27 marzo, 2021 a la hora 11:00

Un evento que comienza el 30 abril, 2021 a la hora 11:00

Un evento que comienza el 29 mayo, 2021 a la hora 11:00

Gratuito

La Estaya de la Llingua d’Avilés afita la so xuntura cola reciella, a la que va averar otra vegada más a la cultura tradicional asturiana d’una forma prestosa y didáutica gracies al ciclu d’actividaes “Pa que nun t’aburras”, cuatro talleres infantiles que se van desarrollar de forma telemática.

Entamaos pola iniciativa cultural ALADANZA, pa neños y neñes de 5 a 10 años, van terminar en mayu, faciendo ún al mes, coincidiendo en sábadu y a les 11:00 hores; sólo’l tien una temática especial antroxera, coincidirá en martes, por ser martes d’Antroxu y festivu pa la comunidá escolar. Tolos talleres van durar media hora.

Podrán siguise peles redes sociales del Conceyu d’Avilés, na páxina web de la Estaya de la Llingua, www.llinguaviles.com; la revista dixital de la Fundación Municipal de Cultura, www.avilescultura.com, y la plataforma dixital asturiana PlayPresta.

Les feches son les que vienen darréu:

– Martes 16 de febreru. Pon la mázacara

Martes d’Antroxu, calará a neños y neñes nuna de les folixes de más raigón na tradición asturiana, y va conectala colos seres más fantásticos del folclore, faciendo caretes del personaxe mitolóxicu que más-yos preste, que podrán recortar, pintar y decorar.

– Sábadu 27 de marzu. Enteteyando

Con esti taller, neños y neñes van averase d’una forma prestosa a les construcciones populares y a rellacionase colos oficios tradicionales. Convertiránse en teyeros y teyeres, decorando la so propia teya.

– Sábadu 30 d’abril. Sones y Percusiones

Los instrumentos de percusión, panderetes o castañueles, pero tamién otros tan normales como los preseos de la cocina, son elementos clave na tradición musical asturiana. Al conocelos, neños y neñes entenderán tamién el papel fundamental de la muyer na tresmisión d’esti patrimoniu oral y inmaterial.

– Sábadu 29 de mayu. El baille embruxáu

Una neña que quier sabelo too, un ser mitolóxicu, un conxuru y unos cuantos animales que baillen van xuntase colo más piquiñino de la casa nesti taller, nel que van tomar contautu con bailles y canciones asturianes, asina como cola bayura de vocabulariu rellacionáu col tema.

ALADANZA

La iniciativa cultural ALADANZA ye frutu del saber profesional, formativu y vital de Rosa Cuervo, educadora infantil formada en diferentes metodoloxíes educatives y artístiques. Dende 1990 dedícase a recoyer, enseñar y esparder la cultura tradicional asturiana, n’especial nos ámbitos de la música y el baille, lo que-y sirvió p’algamar, amás d’una esperiencia grande, una visión abierta y integradora del folclore, nel que l’asturianu ye la llingua de comunicación y rellación.

Detalles

Fecha:
30 abril
Hora:
11:00
Precio:
Gratuito
Categorías del Evento:
, , , ,
Web:
www.avilescultura.com

Contacto

Ruiz Gómez, 21. 33402 Avilés. Principado de Asturias. España Tlf: +034 985 54 43 25

Enviando
 

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.plugin cookies

ACEPTAR
Aviso de cookies

Inicia Sesión con tu Usuario y Contraseña

¿Olvidó sus datos?